كم مره تعلمت شي جديد و حاولت بكل جهدك انك تعلم اهلك و اصحابك لانك تبي تفيدهم و تغيرهم لان ودك تشعر بالسعاده لانك غيرت شخص… واكيد كنت تنصدم من ردود الافعال لما ما يهتمون وايد باللي تقوله لهم لانه غالباً موضوع مو لهم ولا عندهم اهتمام فيه… لكن انت تصر انك تعلمهم و تحاول …
حدد مستقبلك… كلنا سمعناها في اغلب مراحل حياتنا… لما كنا صغار وبعد لما كبرنا…. لكن العجيب هو صارت هذي الجملة تقال ولا فيه احد يفهمها … الا القليل… انا الحين وبعد اللي مريت فيه بحياتي اقدر اقول لك و بكل صراحه اني اتمنى لو يرجع فيني الزمن و اطبق هذي الجملة بحذافيرها… وقتها اكيد بكون انسان ثاني.
كلنا واجهنا مشاكل في حياتنا كبيرة و صغيرة… لكن هل كلنا نقدر نواجه هالمشاكل بنفس الطريقة؟ ليش فيه ناس ما تأثر فيهم هالمشاكل؟ الجواب بسيط…. عقليتهم غير…. اهم يفكرون بطريقة مختلفة عنا…عقليتهم….. خارقة…. شنو يعني؟ يعني ان عقليتهم مرتبطة بالنمو المستمر… ماعندهم اي مجال للوقوف و التأخر في حياتهم… كل شي يصير في حياتهم يفيدهم …
